ჩინეთის სახალხო რესპუბლიკის მთავრობის ეკონომიკური და ტექნიკური დახმარება
2019 წლის 15 მარტს ხელი მოეწერა - ,,საქართველოს მთავრობასა და ჩინეთის სახალხო რესპუბლიკის მთავრობას შორის ეკონომიკური და ტექნიკური თანამშრომლობის შესახებ შეთანხმებას 100 მილიონი იუანის გამოყოფის“ შესახებ. ხელშეკრულება ითვალისწინებს ჩინეთის სახალხო რესპუბლიკის მიერ საქართველოს მხარისათვის საავტომობილო, სარკინიგზო და ბარგის ტვირთების სტაციონარული რენტგენის სკანერის გადაცემას. ამასთან, 5 წლიანი გრანტის ფარგლებში, იგეგმება, 16 ერთეული ახალი რენტგენო-ინსპექტირების სისტემის გადმოცემა.
ეს ძვირადღირებული ტექნიკა უზრუნველყოფს კანონიერ სავაჭრო ბრუნვაში ჩართული საქონლის დაუბრკოლებლად გადაადგილებას. ამასთან, შეჩერებისა და გადმოტვირთვის გარეშე, საქონლის პირველად კონტროლს კონტრაბანდული ტვირთის გამოვლენის მიზნით.
ამერიკის შეერთებული შტატების გენერალური საბჭოს ოფისი - კომერციული სამართლის განვითარების პროგრამა (CLDP)
აღნიშნული პროექტი ითვალისწინებს საქართველოს ფინანსთა სამინსიტროს შემოსავლების სამსახურისთვის ტექნიკური დახმარების გაწევას ავტორიზებული ეკონომიკური ოპერატორების სტატუსი მინიჭებისა და საქონლის გაშვების შემდგომი აუდიტის ჩატარების საუკეთესო საერთაშორისო პრაქტიკის გაზიარებისა და კადრების გადამზადების მიზნით.
ავტორიზებული ეკონომიკური ოპერატორების მექანიზმის შემოღების ვალდებულება საქართველომ აიღო 2014 წლის 27 ივნისს ხელმოწერილი ერთის მხრივ, საქართველოსა და მეორეს მხრივ, ევროკავშირს და ევროპის ატომური ენერგიის გაერთიანებას და მათ წევრ სახელმწიფოებს შორის ასოცირების შესახებ შეთანხმების ფარგლებში, რომელიც გულისხმობს საქართველოს საბაჟო კანონმდებლობის ჰარმონიზაციას ევროკავშირის დირექტივებთან.
გარდა ამისა, ანალოგიური ვალდებულება საქართველოს გააჩნია 2006 წლის 3 თებერვალს ძალაში შესული განახლებული კიოტოს კონვენციისა და მსოფლიო სავაჭრო ორგანიზაციის (WTO) ვაჭრობის ხელშეწყობის შეთანხმების ფარგლებში.
პროექტის დაწყება იგეგმება 2020 წ. სექტემბერში
დახმარების პროგრამა, გულისხმობს:
CLDP-ის მიერ გამოცდილი საერთაშორისო ექსპერტების დაქირავებას, საქართველოში სასწავლო კურსებისა ჩატარების მიზნით;ექსპერტების დახმარებით, სიმულირებული შემოწმებების ჩატარებას;გასვლით ვიზიტებს სხვა ქვეყნებში, ადგილზე გამოცდილებისა და პრაქტიკის გასაცნობად; ტრენერთა ტრენერების მომზადება.
,,ევროკავშირის მოქმედება ნარკოტიკებისა და ორგანიზებული დანაშაულის წინააღმდეგ“ (EU-ACT) პროექტი
ევროკავშირის მიერ მხარდაჭერილი პროექტი მიზნად რეგიონალური და ტრანს-რეგიონალური სამართალდამცავი თანამშრომლობისა და კოორდინაციის გაძლიერებას ჰეროინის მარშრუტის გასწვრივ ორგანიზებულ დანაშაულთან და ტრეფიკინგის ღონისძიებებთან ბრძოლაში.
შემოსავლების სამსახურს პროექტის მხარდაჭერით 133 ერთეული GPS ლუქი გადაეცა. ლუქის საშუალებით შესაძლებელია საბაჟო კონტროლს დაქვემდებარებული მაღალი რისკის შემცველი სატვირთო ავტოსატრანსპორტო საშუალების მთლიანობის შენარჩუნება და მისი გადაადგილების მონიტორინგი საქართველოს ტერიტორიაზე.
პროექტის მხარდაჭერით განხორციელდა არაერთი სემინარი ახალი ფსიქოტროპული ნივთიერების კონტროლთან დაკავშირებით. უცხოელ ექპერტებთან ერთად შემუშავდება მობილური ჯგუფების ოპერატიული სახელმძღვანელო.
პროექტის ხანგრძლივობა: 2017-2021 წლები, დონორი-ევროკავშირი.
დამატებითი ინფორმაცია იხილეთ აქ
ევროკავშირი საბაჟო პროგრამა
ევროკავშირის საბაჟო პროგრამის ფარგლებში მიღებულია გრანტი, რომელიც განკუთვნილია პროგრამის პრიორიტეტული მიმართულებებით დაგეგმილ აქტივობებში ჩართულობისთვის.
ევროკავშირი საგადასახადო პროგრამა (FISCALIS)
ევროკავშირის საგადასახადო პროგრამის ფარგლებში მიღებულია გრანტი, რომელიც განკუთვნილია 2022-2027 წლებში პროგრამის პრიორიტეტული მიმართულებებით დაგეგმილ აქტივობებში ჩართულობისთვის.
თანამშრომელთა შესაძლებლობების გაძლიერება - ხარისხის ცენტრი ფინანსებში - CEF-ის პროგრამა
CEF-ის სასწავლო აქტივობების მთავარი მიზანი გახლავთ ხელი შეუწყოს საჯარო მოხელეების შესაძლებლობების გაუმჯობესებას, მათი მუშაობის ეფექტურობის ზრდას. საერთაშორისო ორგანიზაციის პრიორიტეტია რეგიონის ქვეყნებში იყოს ძლიერი და საიმედო პარტნიორი, რომელიც მხარს უჭერს განვითარებად ქვეყნებში რეფორმების პრიორიტეტულობას. საქართველოს ფინანსთა სამინისტროსა და ნიდერლანდების ფინანსთა სამინისტროებს შორის 2014 წელს გაფორმებულ იქნა მემორანდუმი, რის საფუძველზეც შემოსავლების სამსახურის თანამშრომლებს მიეცათ საშუალება სისტემატიურად მიიღონ მონაწილეობა CEF-ის მიერ ორგანიზებულ სამუშაო შეხვედრებში.
შემოსავლების სამსახურის 2025-2030 წლების სტრატეგიის შემუშავებაში მხარდაჭერა
USAID-ის მიერ შემოსავლების სამსახურის 2025-2030 წლების სტრატეგიის შემუშავებაში მხარდაჭერა.
საბაჟოს რისკის მართვის შესაძლებლობეის გაძლირება
საბაჟოს ანალიტიკური შესაძლებლობების გაუმჯობესების მიზნით IT სისტემების განახლება, მძლავრი სერვერების უზრუნველყოფის საშუალებით.
საბაჟოსთვის სატრანსპორტო საშუალებებისა და კონტეინერების რენტგენო ინსპექტირების შეძენა
პროექტის ფარგლებში გათვალისწინებულია ერთი სტაციონარული სკანერის (რომელიც განთავსდება ბათუმის გაფორმების ეკონომიკურ ზონაში) და ორი მობილური სკანერის გადმოცემა.
საბაჟოსთვის სატრანსპორტო საშუალებებისათვის რენტგენო ინსპექტირების სისტემის გადაცემა
პროექტის ფარგლებში საბაჟო გამშვებ პუნტზე "ყაზბეგი" განთავსდება სტაციონარული რენგრენო ინსპეტირები სისტემა
ეარკოპი/კონტეინერების კონტროლის პროგრამა
მსოფლიო საბაჟო ორაგნიზაციისა და გაერო-ს ნარკოტიკებისა და დანაშაულის წინააღმდეგ ბრძოლის ოფისის ერთობლივი პროექტი - კონტეინერების კონტროლის პროგრამა საქართველოში დაინერგა 2012 წელს. პროექტის ფარგლებში საქართველოში ფუნქციონირებს 3 ერთობლივი უწყებათაშორისი დანაყოფი, რომელშიც შემოსავლების სამსახურის საბაჟო დეპარტამენტის შესაბამის თანამშრომლებთან ერთად, საქართველოს ტერიოტორიის გავლით გადაადგილებული ტვირთებისა და სატრანსპორტო საშუალებების ერთობლივი კონტროლს ახოცრიელებენ ფინანსთა სამინისტოს საგამოძიებო სამსახურის, შსს ცენტრალური კრიმინალური პოლიციისა და საპატრულო პოლიციის დეპარტამენტების თანამშრომლები.
საგადასახადო და სატარიფო ზომების და უკანონო ვაჭრობასთან მიმართებით რეაგირების პოლიტიკის გაძლიერება საქართველოში“
პროექტის მიზანია შექმნას მხარდამჭერი გარემო, რათა შემცირდეს თამბაქოს მოხმარების მაჩვენებელი და მოსახლეობაში მეორადი მოწევის გავლენა. კერძოდ, თამბაქოს ეროვნული საგადასახადო პოლიტიკის გაუმჯობესებით ჯანმო-ს თამბაქოს კონტროლის შესახებ ჩარჩო კონვენციით (FCTC) განსაზღვრული მიზნების მისაღწევად და ევროკავშირთან ასოცირების ხელშეკრულებით ნაკისრი ვალდებულებების შესრულებისთვის. ამასთანავე, თამბაქოს ნაწარმით უკანონო ვაჭრობის აღმოფხვრის პროტოკოლთან მიერთება ხელს შეუწყობს უკანონო ვაჭრობისთვის რეაგირების მექანიზმის გაძლიერებას და ბაზარზე უკანონო პროდუქტის ხელმისაწვდომობის შემცირებას.
თანამშრომლობა მსოფლიო ბანკთან IT ინფრასტრუქტურის და მონაცემთა დამუშავების სფეროში
2021 წელს დაიწყო შემოსავლების სამსახურის თანამშრომლობა მსოფლიო ბანკთან IT სისტემის მიმართულებით. კერძოდ, პროექტი გულისხმობს IT სისტემის შეფასებას სამი მიმართულებით ``IT DIAMOND`` მოდულის (ერთ-ერთი მოდული, მსოფლიო ბანკის მიერ შემუშავებული 9 მოდულიდან. აღნიშნული მოდულები ეხმარება საგადასახადო ადმინისტრაციებს არსებული სისტემების შეფასებაში, პრიორიტეტული მიმართულებების განსაზღვრაში, ნაკლოვანებების დაიდენტიფიცირებაში და სხვა) გამოყენებით.
აღნიშნული მიმართულებებია:
1. IT ინფრასტრუქტურის შეფასება;
2. ინფრასტრუქტურული საჭიროებების განსაზღვრა;
3. მონაცემთა უსაფრთხოების შეფასება.
ამ ეტაპზე, დასრულებულია პირველი ორი შეფასება, მესამე შეფასებაზე მუშაობა მიმდინარეობს. ამას გარდა, მსოფლიო ბანკთან მიმდინარეობს მეორე პროექტი, რომელიც ემსახურება მონაცემთა დამუშავების კუთხით სამსახურის შესაძლებლობების გაძლიერებას. ანალიტიკური დეპარტამენტის მიერ განისაზღვრა და მსოფლიო ბანკს მსჯელობისთვის გაეგზავნა ის პრიორიტეტული მიმართულებები, რაშიც დეპარტამენტი ხედავს დახმარების საჭიროებას. ეს მიმართულებებია: მონაცემთა საცავის უსაფრთხოების კონცეფციის, მონაცემებთან წვდომის პოლიტიკის შემუშავება;
გამოყენებული არქიტექტურის და ტექნოლოგიის შეფასება და არსებული რესურსების შესაძლებლობების ზღვარის განსაზღვრა, მონაცემთა მოცულობის და მომხმარებელთა მუდმივი მატების პირობებში; საინტერესო იქნება რეკომენდაციები ე.წ. „Change Management“-თან დაკავშირებით;ინსტიტუციური მოწყობა, როლების და პასუხისმგებლობების გადანაწილება და ფუნქციები რომლებზეც შესაბამისი პასუხისმგებელი პირები უნდა იყოს მიმაგრებული;მონაცემთა საცავისა და BI გარემოს განვითარებისა და გამოყენების გრძელვადიანი ხედვისა და სტრატეგიის ჩამოყალიბება;ანალიტიკური დეპარტამენტის თანამშრომელთა უნარ-ჩვევების განვითარება, ახალი კადრების მოზიდვა და კადრების შენარჩუნების პოლიტიკა საჯარო სექტორის თავისებურებების გათვალისწინებით. აღნიშნულთან დაკავშირებით მსოფლიო ბანკის ექსპერტებმა, ანალიტიკური დეპარტამენტის თანამშრომლებთან ერთად უნდა განსაზღვრონ სამოქმედო გეგმა, რომელსაც განახორციელებენ მომდევნო პერიოდში პერმანენტული (კვირაში ერთხელ) შეხვედრების ფარგლებში.
ახალი კომპიუტერიზებული სატრანზიტო სისტემის (NCTS) პროგრამული უზრუნველყოფის შექმნა
1987 წლის 20 მაისის კონვენცია „ერთიანი ტრანზიტის პროცედურის შესახებ“ (CTC) და 1987 წლის 20 მაისის კონვენცია „საქონლით ვაჭრობის ფორმალობების გამარტივების შესახებ“ (SAD) ზემოხსენებული კონვენციებზე მიერთება და კონვენციების დებულებების იმპლემენტაციისათვის საჭირო ახალი კომპიუტერიზირებული სატრანზიტო სისტემის (NCTS) დანერგვა.
ტრანზიტის საბაჟო პროცედურისას, საქართველოს საბაჟოზე ელექტრონულად წარდგენილი დეკლარაცია და გარანტია, იმოქმედებს ევროკავშირის 27 წევრი ქვეყნის, „ევროპის თავისუფალი ვაჭრობის ასოციაციის ქვეყნების (შვეიცარია, ნორვეგია, ისლანდია და ლიხტენშტეინი) და თურქეთის, სერბეთის, ჩრდილოეთ მაკედონიის, უკრაინისა და დიდი ბრიტანეთის მასშტაბით. გადამზიდავები ვალდებული აღარ იქნებიან, განმეორებით მოიპოვონ გარანტია ან გააფორმონ დამატებითი დოკუმენტები საქონლის საქართველოს ტერიტორიიდან გატანიდან დანიშნულების ადგილამდე.
შემოსავლების სამახურის IT შესაძლებლობების გაძლიერება
პროექტი ემსახურება შემოსავლების სამსახურის IT შესაძლებლობების გაძლიერებას, რაც გულისხმობს სამსახურისთვის სიმწიფის მე-3 დონეზე (CMMI Level 3) გადასვლაში დახმარების აღმოჩენას.
კიბერუსაფრთხოების სტანდარტის დანერგვა შემოსავლების სამსახურში
ეკონომიკური თანამშრომლობისა და განვითარების ორგანიზაციის (OECD) მიერ პარტნიორ სახელმწიფოებს შორის შემუშავებულ სტანდარტთან მიერთებასთან, მათ შორის ფინანსური ანგარიშების შესახებ ინფორმაციის ავტომატური გაცვლის შესახებ შეთანხმების გაფორმებასთან დაკავშირებით, საქართველომ აიღო ვალდებულება 2024 წლიდან განვახორციელოს აღნიშნული შეთანხმების შესრულება და პარტნიორ ადმინისტრაციებთან ფინანსური ინფორმაციის გაცვლა. პროექტის მიზანია დაეხმაროს შემოსავლების სამსახურს გაიაროს სერტიფიცირება ISO 27001-სტადნარტის მიხედვით, (რაც არსებული სახარბიელო მდგომარეობის მიუხედავად, კიდევ უფრო გაამყარებს ჩვენი პარტნიორების და გადამხდელების მოლოდინს ინფორმაციული უსაფრთხოების დაცვასთან დაკავშირებით). აღნიშნული გულისხმობს ინფორმაციული უსაფრთხოების მართვის სისტემის ღრმა და ყოვლისმომცველ ანალიზს, სისტემაში არსებული ნაკლოვანებების იდენტიფიცირების მათი შემდგომი აღმოფხვრის მიზნით.
ამერიკის ხაზინის ტექნიკური დახმარების ოფისის „შემოსავლების პოლიტიკისა და ადმინისტრირების პროგრამა“
პირველ ეტაპზე, პრექოტის ექსპერტების მიერ ჩატარებული სადიაგნოსტიკო კვლევების საფუძველზე მოხდა ტექნიკური დახმარების პროექტის ლოგიკური ჩარჩოს შემუშავება და შეთანხმება პროექტის ბენეფიციარ დეპარტამენტებთან. ამ ეტაპზე ლოგიკური ჩარჩო გადის შეთანხმებას ამერიკის ხაზის სათავო ოფისში. ლოგიკური ჩარჩოს დამტკიცების საფუძველზე მოხდება შესაბამისი დაფინანსების გამოყოფა და პროექტის იმპლემენტაციაზე გადასვლა წინასაწრ გაწერილი გეგმის მიხედვით.
პროექტის მიზანია შემოსავლების სამსახურისთვის ტექნიკური დახმარების გაწევა შემდეგმიმართულებებში:
საბაჟო და სასაზღვრო/ ტვირთის კონტროლის ოპერაციების გაუმჯობესება, რისკის მართვა და საბაჟო კლასიფიკაციის, შეფასების და ანალიზის გაძლიერება;აუდიტისა და ვალის მართვის შესაძლებლობების გაძლიერება;მონაცემთა შენახვისა და მონაცემთა ანალიზის მხარდაჭერა;მენეჯმენტის, კარიერისა და ლიდერობის განვითარების არსებული სისტემების გაძლიერება; ანტიკორუფციული ღონისძიებების გაძლიერება.
ფინანსური ანგარიშების შესახებ ინფორმაციის ავტომატური გაცვლის სტანდარტის საპილოტე პროექტი - AEOI Pilot
ფინანსური ანგარიშების შესახებ ინფორმაციის ავტომატური გაცვლის სტანდარტის საპილოტე პროექტი - AEOI Pilot დაიწყო 2017 წლის ნოემბერში. პროგრამა სრულად ფინანსდება გერმანიის მთავარობის მიერ და მას აღასრულებს გერმანიის საერთაშორისო თანამშრომლობის საზოგადოების (GIZ) საქართველოს წარმომადგენლობა. პროექტს ადმინისტრირებას უწევს გამჭვირვალობისა და ინფორმაციის გაცვლის გლობალური ფორუმის (Global Forum on Transparency and Exchange of Information) სამდივნო.
პროგრამის მიზანია ტექნიკური დახმარება გაუწიოს საქართველოს დიდი ოცეულის (G20) და ეკონომიკური განვითარებისა და თანამშრომლობის ორგანიზაციის (OECD) მიერ შემუშავებული ფინანსური ინფორმაციის ავტომატური გაცვლის გლობალური სტანდარტის (AEOI/Common Reporting Standard) დანერგვაში.
ფინანსური ანგარიშების შესახებ ინფორმაციის ავტომატური გაცვლის სტანდარტის (AEOI) დანერგვაზე ვალდებულება აქვს აღებული 100-ზე მეტ ქვეყანას. 2020 წელს, საქართველომ ოფიციალურად დაადასტურა სტანდარტის იმპლემენტაციის ვალდებულება. აღნიშნული სტანდარტის ფარგლებში ინფორმაციის პირველი გაცვლა დაიწყება 2024 წელს.
საკითხის მასშტაბურობიდან გამომდინარე, თანამშრომლობა მრავალვექტორიანია და მოიცავს საქართველოსთვის ტექნიკური დახმარების გაწევას შემდეგ მიმართულებებით:
საკანონმდებლო და კანონქვემდებარე ბაზის სრულყოფა;შემოსავლების სამსახურის თანამშრომელთა დატრენინგება და კვალიფიკაციის ამაღლება;საქართველოს საფინანსო სექტორის წარმომადგენლების დატრენინგება და მათთან კონსულტაციების გამართვა დაგეგმილ ცვლილებებთან დაკავშირებით;კონფიდენციალურობისა და მონაცემთა დაცვის უსაფრთხოების საერთაშორისო სტანდარტთან შესაბამისი პროცედურების და ტექნიკური უზრუნველყოფის შემუშავება/შეძენა;IT ინფრასტრუქტურისა და პროგრამული უზრუნველყოფის ლიცენზიების ინსტალირება/შეძენა;და სხვ.
მცირე ბიზნესის სტატუსის მქონე გადამხდელებთან კომუნიკაცია ქცევითი მიდგომის გამოყენებით კანონშესაბამისობის გასაუმჯობესებლად
მსოფლიო ბანკსა და შემოსავლების სამსახურს შორის მიმდინარე თანამშრომლობის ფარგლებში, დეკლარაციის ჭრილში წარმოსადგენი ინფორმაციის ვალიდაციის პროგრამის ფარგლებში დაგეგმილი ექსპერიმენტი წარმატებით დასრულდა, ასევე დასრულდა ჩატარებული ექსპერიმენტის შედეგების ანალიზი.
ექსპერიმენტის შედეგების ანალიზიდან და ექსპერტების მისიების ფარგლებში გამართული შეხვედრებიდან გამომდინარე დაიგეგმა ახალ მიმართულებებზე დახმარების გაწევა. უკვე შედგა პირველი დისტანციური შეხვედრა მსოფლიო ბანკის ექსპერტებსა და შემოსავლების სამსახურის თანამშრომლებს შორის.
საერთაშორისო სავალუტო ფონდის ტექნიკური დახმარების პროექტი
საერთაშორისო სავალუტო ფონდსა და შემოსავლების სამსახურს შორის თანამშრომლობა 2012 წლიდან დღემდე აქტიურად მიმდინარეობს. ტექნიკური დახმარების პროექტის ფარგლებში, საგადასახადო ადმინისტრაციის რეფორმების მხარდაჭერის მიზნით, საერთაშორისო სავალუტო ფონდის (IMF) ფისკალურ საქმეთა დეპარტამენტის ექსპერტები მუშაობენ.
წარმატებით დასრულდა სავალუტო ფონდის მიერ დაფინანსებული ტექნიკური დახმარების სამწლიანი პროექტი შემოსავლების მობილიზაციის შესახებ. პროექტის წარმატებით დასრულება, რაც თავის მხრივ ასახულ იქნა TADAT-ის შეფასებაშიც.
დღეის მდგომარეობით საერთაშორისო სავალუტო ფონდთან აქტიური თანამშრომლობა გრძელდება და IMF-ი შემოსავლების სამსახურს ხუთი პრიორიტეტული მიმართულებით უწევს დახმარებას.
აუდიტისა და ურთიერთ პროცედურების შესაძლებლობების გაძლიერება
პროექტი წარმოადგენს ეკონომიკური თანამშრომლობისა და განვითარების ორგანიზაციის (OECD) და გაეროს განვითარების პროგრამის (UNDP) ერთობლივი ინიციატივით შექმნილ პლატფორმას, რომელიც განვითარებულ ქვეყნებში მეტწილად ორიენტირებულია საგადასახადო აუდიტის მიმართულებით ტექნიკური დახმარების პროგრამების განხორციელებაზე და ამ ქვეყნებში საგადასახადო შემოწმების პოტენციალის ამაღლებაზე.
აღსანიშნავია, რომ დღემდე „TIWB“-ის ეგიდით შემოსავლების სამსახურის აუდიტის დეპარტამენტის თანამშრომლებისთვის განხორციელდა ტექნიკური დახმარების ორი ფაზა, ერთი საერთაშორისო კონტროლირებადი ოპერაციების ზოგადი აუდიტის მიმართულებით, ხოლო მეორე ფინანსური ტრანზაქციების ჭრილში.
ამ ეტაპზე დასასრულს უახლოვდება რიგით მეოთხე პროექტი, რომელიც ემსახურება შემოსავლების სამსახურის აუდიტის დეპარტამენტის ტრანსფერული ფასწარმოქმნის სამმართველოს და მსხვილ გადამხდელთა ოფისის თანამშრომლებისთვის პრაქტიკული დახმარების აღმოჩენას ტრანსფერული ფასწარმოქმნის ოპერაციების მართვასთან დაკავშირებით.
პარალელურად მიმდინარეობს მუშაობა TIWB სამდივნოსთან ახალი პროექტის დაწყების მიზნით. ერთ-ერთ გადაუდებელ საჭიროებას რაც ამ ეტაპზე სამსახურის წინაშე დგას, წარმოადგენს ტრანსფერული ფასწარმოქმნის მიზნებისთვის მრავალმხრივი შეთანხმების პროცედურებზე (MAP) პრაქტიკული გამოცდილების მიღება. აღნიშნული პროცედურა საქართველოში სულ ცოტა ხნის წინ დაინერგა და ის ქვეყნებს შორის ტრანსფერულ ფასწარმოქნასთან დაკავშირებით წარმოქმნილი დავების გადაჭრას ემსახურება. პროექტის მიზანი უნდა გახდეს ექსპერტის მიერ შემოსავლების სამსახურის შესაბამისი კომპეტენტური ორგანოებისთვის MAP-ის მოთხოვნების განხილვაში მხარდაჭერა, ქვეყნის შიდა კანონმდებლობაში საერთაშორისო საუკეთესო პრაქტიკის იმპლემენტაციასა და შესაბამის საკანონმდებლო ცვლილებების მომზადებასთან დაკავშირებით რეკომენდაციების მოცემა, სხვადასხვა ქვეყნის გამოცდილების გაზიარება, სახელმძღვანელოების მომზადებაში მონაწილეობა, სხვა ქვეყნის კომპეტენტურ ორგანოებთან თანამშრომლობის სპეციფიკისა და პრაქტიკის გაზიარება, სწავლების (ტრენინგის) ჩატარება და სხვა. TIWB სამდივნოს შემოსავლების სამსახურის მიერ უკვე წარედგინა განაცხადი ახალი პროექტის დაწყებასთან დაკავშირებით. განაცხადის საფუძველზე უნდა მოხდეს შესაბამისი გამოცდილებისა და კვალიფიკაციის მქონე ექსპერტის შერჩევა და ხელშეკრულების პირობების შეთანხმება.
შვედეთის საგადასახადო ადმინისტრაცია (Swedish Tax Agency)
ფინანსთა სამინისტროს, სსიპ შემოსავლების სამსახურში SIDA-ს (The Swedish International Development Cooperation Agency) დაფინანსებით, შვედეთის საგადასახადო ადმინისტრაციასა და შემოსავლების სამსახურს შორის 2024-2027 წლებში ოთხ წლიანი ტექნიკური დახმარების პროექტი დაიწყო. მიმდინარე წლის 5 თებერვალს შემოსავლების სამსახურისა და შვედეთის საგადასახადო ადმინისტრაციის მიერ ხელი მოეწერა ტექნიკური დახმარების პროექტის შესახებ შეთანხმებას. ორი ქვეყნის საგადასახადო ადმინისტრაციებს შორის ოთხ წლიანი ტექნიკური დახმარების პროექტი თავის მხრივ ხელს შეუწყობს საგადასახადო ადმინისტრაციებს შორის ურთიერთანამშრომლობის გაღრმავებას, ცოდნისა და გამოცდილების გაზიარებას.
თანამშრომლობის ფარგლებში შვედეთის საგადასახადო ადმინისტრაცია შემოსავლების სამსახურს დახმარებას გაუწევს შემდეგი მიმართულებით: გადამხდელთა მომსახურება და განათლება; უწყებრივი რისკების მართვა; კანონშესაბამისობის რისკების მართვა და მონაცემთა საცავი.