საიტის მოხმარების ინსტრუქცია
ცხელი ხაზი: 2 299 299
ვერსია შეზღუდული შესაძლებლობების მქონე პირთათვის
A
A

ჯანმრთელობის სერტიფიკატს სურსათზე/ცხოველის საკვებზე ევროკავშირში ექსპორტის/რეექსპორტის დროს გასცემს:

  • საჯარო სამართლის იურიდიული პირი – სურსათის ეროვნული სააგენტო (გარდა რეექსპორტისა);
  • საჯარო სამართლის იურიდიული პირი – შემოსავლების სამსახური (გარდა ექსპორტისა და იმ შემთხვევისა, როდესაც სერტიფიკატის გაცემისათვის აუცილებელია ნიმუშის აღება ანალიზისათვის)

    • ჯანმრთელობის სერტიფიკაცია ნებაყოფლობითია და იგი გაიცემა განმცხადებლის მიერ წარდგენილ განცხადებაში მითითებულ სურსათზე/ცხოველის საკვებზე, იმ შემთხვევაში თუ სურსათი/ცხოველის საკვები და ამ სურსათის/ცხოველის საკვების წარმოშობის ქვეყანა ევროკომისიის მიერ შეყვანილია აფლატოქსინით დაბინძურების (კონტამინაციის) რისკის შემცველი სურსათის/ცხოველის საკვების წარმოშობის ქვეყნების ნუსხაში.

    ჯანმრთელობის სერტიფიკატის მისაღებად განმცხადებელმა, შემოსავლების სამსახურს, გარდა საქონლის წარმოშობის ქვეყნის კომპეტენტური ორგანოს მიერ გაცემული ჯანმრთელობის სერტიფიკატისა და ლაბორატორიული გამოცდის ოქმისა, უნდა წარუდგინოს განცხადება შემდეგი ინფორმაციით:

  • ბიზნესოპერატორის დასახელება  და  საიდენტიფიკაციო მონაცემები;
  • სურსათის/ცხოველის საკვების დასახელება;
  • ტვირთის კოდი;
  • წარმოშობის ქვეყნის დასახელება;
  • ტვირთის აღწერა;
  • შეფუთული ტვირთის რაოდენობა და ტიპი, შეფუთვის სახეობა;
  • ბრუტო ან ნეტო წონა;
  • პარტიის ნომერი;
  • დატვირთვის ადგილი;
  • გადამზიდველის მონაცემები;
  • დანიშნულების ადგილი და ქვეყანა;
  • სურსათის/ცხოველის საკვების უვნებლობის მოთხოვნების დაცვასთან დაკავშირებული სხვა ინფორმაცია.

    • ჯანმრთელობის სერტიფიკატის მისაღებად:

  • განცხადება წარდგენილი უნდა იქნეს წარმოშობის ქვეყნის კომპეტენტური ორგანოს მიერ გაცემული ჯანმრთელობის სერტიფიკატის მოქმედების ვადის გასვლამდე არაუგვიანეს 10 დღისა;
  • დაცული უნდა იქნეს საქონლის შენახვისა და ტრანსპორტირების პირობები;
  • დოკუმენტაცია წარდგენილ უნდა იქნეს ქართულ ენაზე. დოკუმენტაცია, თარგმანის შემთხვევაში, დამოწმებული უნდა იქნეს ნოტარიულად, საქართველოს კანონმდებლობით დადგენილი წესით;
  • წარდგენილი დოკუმენტაციის სისწორესა და ნამდვილობაზე პასუხისმგებელია განმცხადებელი.

    • მომსახურების გაწევისათვის საფასური შეადგენს:                                                                                                                               

  • 5 სამუშაო დღე - 50 ლარი
  • 3 სამუშაო დღე - 75 ლარი
  • 1 სამუშაო დღე - 100 ლარი

    • შენიშვნა მომსახურების გაწევის საფასურის გადახდა ხორციელდება შემოსავლების სამსახურის ანგარიშზე. საფასურის გადახდა ასევე შესაძლებელია ელექტრონულად, პლასტიკური ბარათით.

    ანგარიშის რეკვიზიტები:                                                                                                                              

  • სსიპ "შემოსავლების სამსახური"-ს მიმღები ბანკი-სახელმწიფო ხაზინა
  • ბანკის კოდი TRESGE22
  • სსიპ „შემოსავლების სამსახურის“ ანგარიში/სახაზინო კოდი - 707017021

    • (დანიშნულებაში მიუთითეთ: ჯანმრთელობის სერტიფიკატის გაცემის საფასური)

    text