ფიტოსანიტარულ კონტროლს დაქვემდებარებული პროდუქცია
ფიტოსანიტარიულ კონტროლს დაქვემდებარებული მცენარეული წარმოშობის პროდუქციის იმპორტის ნებართვის მისაღებად საჭიროა ელექტრონულად შევსებული განცხადება, რომელიც უნდა შეიცავდეს ექსპორტიორი ქვეყნისა და შემოსატანი ტვირთის:
დასახელებას;რაოდენობას;მოძრაობის მარშრუტსა და მიღების ადგილს;ხოლო ეტაპობრივად შემოტანის შემთხვევაში – თითოეული პარტიის რაოდენობასა და შემოტანის ვადას.ფიტოსანიტარიულ კონტროლს დაქვემდებარებული მცენარეული წარმოშობის პროდუქციის იმპორტის ნებართვა გაიცემა არა უმეტეს ექვსი თვის ვადით.
ნებართვის გაცემის პროცედურა -ნებართვის მისაღებად წარმოადგინეთ წერილობითი ან ელექტრონული განცხადება საბაჟო დეპარტამენტში ან იმ საბაჟო გამშვებ პუნქტში სადაც გსურთ ნებართვის მიღება. ელექტრონული განცხადების წარდგენის მიზნით გაიარეთ რეგისტრაცია შემოსავლების სამსახურის ვებ-საიტზე - www.rs.ge აირჩიეთ ფანჯარა „განცხადება“, „საბაჟო, გეზი“, თქვენთვის სასურველი ნებართვის ტიპი (ფიტოსანიტარიულ კონტროლს დაქვემდებარებული პროდუქციის იმპორტის ნებართვა) და შეავსეთ განცხადების შესაბამისი ველები. ელექტრონულად ატვირთეთ ნებართვის მისაღებად საჭირო დოკუმენტები - მომსახურების გადასახადის ქვითრის ასლი და სხვა დოკუმენტები (არსებობისას).
ველების შევსების შემდგომ ფანჯრის „გაგზავნა“ საშუალებით დაარეგისტრირეთ განცხადება. გადაწყვეტილება ნებართვის გაცემის თაობაზე გეცნობებათ ვებ-გვერდზე www.rs.ge „ჩემი გვერდი“ და მიიღებთ მოკლე ტექსტურ შეტყობინებას თქვენს მიერ მითითებულ ტელეფონზე.
ფიტოსანიტარიულ კონტროლს დაქვემდებარებული მცენარეული წარმოშობის იმპორტის ნებართვის მომსახურების საფასური:
20 სამუშაო დღე - 25ლ.;10 სამუშაო დღე -35ლ;5 სამუშაო დღე - 45ლ;1 სამუშაო დღე - 50ლ.შენიშვნა მომსახურების გაწევის საფასურის გადახდა ხორციელდება შემოსავლების სამსახურის ანგარიშზე. საფასურის გადახდა ასევე შესაძლებელია ელექტრონულად, პლასტიკური ბარათით.
ანგარიშის რეკვიზიტები:
სსიპ "შემოსავლების სამსახური"-ს მიმღები ბანკი-სახელმწიფო ხაზინაბანკის კოდი TRESGE22სსიპ „შემოსავლების სამსახურის“ ანგარიში/სახაზინო კოდი - 707017021