RS - ვერსია შეზღუდული შესაძლებლობების მქონე პირთათვის

„ლატარიების, აზარტული და მომგებიანი თამაშობების მოწყობის შესახებ“ საქართველოს კანონის მე-24¹ მუხლის შესაბამისად, აზარტული ან/და მომგებიანი თამაშების მიწოდების ნებართვის მაძიებელმა ნებართვის მისაღებად შემოსავლების სამსახურში უნდა წარადგინოს:

ა) ამონაწერი სამეწარმეო რეესტრიდან;

ბ) სანებართვო მოსაკრებლის გადახდის დამადასტურებელი დოკუმენტი;

გ) სანებართვო მოსაკრებლის გადასახდელად საჭირო ფულადი სახსრების წარმოშობის დამადასტურებელი დოკუმენტი;

დ) მისაწოდებელი თამაშების ან/და არსებითი პროდუქციის/მომსახურების ჩამონათვალი და დეტალური აღწერილობა;

ე) გამოსაყენებელი/გამოყენებული არსებითი პროდუქციის/მომსახურების საქართველოს ფინანსთა მინისტრის მიერ შემოღებულ/დადგენილ სტანდარტებთან/მოთხოვნებთან შესაბამისობის დამადასტურებელი ავტორიზაციის სერტიფიკატი;

ვ) ნებართვის მაძიებლის ხელმძღვანელობისა და წარმომადგენლობის უფლებამოსილების მქონე პირის, დამფუძნებლის/პარტნიორის (არსებობის შემთხვევაში), ბენეფიციარი მესაკუთრის ნასამართლობის შესახებ ცნობა. აღნიშნული ნასამართლობის შესახებ ცნობა გაცემული უნდა იყოს იმ ქვეყნის შესაბამისი უფლებამოსილი ორგანოს მიერ, რომლის მოქალაქეც არის ნებართვის მაძიებლის ხელმძღვანელობისა და წარმომადგენლობის უფლებამოსილების მქონე პირი, დამფუძნებელი/პარტნიორი (არსებობის შემთხვევაში), ბენეფიციარი მესაკუთრე;

ზ) ნებისმიერი სხვა დოკუმენტი/ინფორმაცია, რომელსაც შემოსავლების სამსახური ნებართვის გაცემის შესახებ ნებართვის მაძიებლის განცხადების განხილვისას და შესაბამისი გადაწყვეტილების მისაღებად მოითხოვს.

წამახალისებელი გათამაშება

„ლატარიების, აზარტული და მომგებიანი თამაშობების მოწყობის შესახებ“ საქართველოს კანონის მე-12 მუხლის შესაბამისად, წამახალისებელი გათამაშების მოწყობის ნებართვის მაძიებელმა ნებართვის მისაღებად შემოსავლების სამსახურში უნდა წარადგინოს:

ა) ამონაწერი სამეწარმეო რეესტრიდან;

ბ) სანებართვო მოსაკრებლის გადახდის დამადასტურებელი დოკუმენტი;

გ) სანებართვო მოსაკრებლის გადასახდელად საჭირო ფულადი სახსრების წარმოშობის დამადასტურებელი დოკუმენტი.

გ) ხელშეკრულება ნებართვის მაძიებელსა და იმ პირს შორის, რომელიც ამზადებს მომგებიანი თამაშობის (გარდა სისტემურ-ელექტრონული ფორმით მოწყობილი თამაშობისა) ბილეთებს, დასამზადებელი ბილეთების რაოდენობის და ნუმერაციის მითითებით;

დ) მომგებიანი თამაშობის მოწყობის პირობები (რეგლამენტი), რომელშიც აღნიშნული უნდა იყოს:

თამაშობის ზოგადი წესი (გათამაშების მომწყობის საიდენტიფიკაციო მონაცემები, გათამაშების მიზეზი, მიზანი, პროდუქციის (მომსახურების) ჩამონათვალი, პროდუქციის (მომსახურების) აღწერა და გათამაშებაში მონაწილეობის აუცილებელი პირობა) რომელიც უნდა შეესაბამებოდეს საქართველოს ფინანსთა მინისტრის მიერ დადგენილ კრიტერიუმებს;

საპრიზო ფონდი, საპრიზო ფონდის გათამაშების თარიღი და მისამართი, პრიზების ჩამონათვალი და რაოდენობა, ერთეულის ღირებულება და გათამაშების რიგითობა;

ე) მომგებიანი თამაშობის (გარდა სისტემურ-ელექტრონული ფორმით მოწყობილი თამაშობისა) ბილეთის ნიმუში გაყალბებისგან დამცავი ნიშნების მითითებით. ბილეთის ნიმუში ხელმოწერილი უნდა იყოს ნებართვის მაძიებლის მიერ;

მომგებიანი თამაშობის ბილეთის ნიმუშზე თვალსაჩინოდ უნდა იყოს აღნიშნული შემდეგი რეკვიზიტები:

ნებართვის მაძიებლის სახელწოდება/სახელი და გვარი, მისამართი; ტელეფონის ნომერი; ბილეთის ნომერი; გასაცემი ნებართვის ნომრის ადგილი; მომგებიანი თამაშობის ჩატარების ვადა და ადგილი; მომგებიანი თამაშობის მოგების გაცემის ზღვრული ვადა და ადგილი.

ვ) წამახალისებელი გათამაშების მოწყობის ნებართვის პროდუქციის მწარმოებლის ან მომსახურების გამწევის წარმომადგენელზე გაცემის შემთხვევაში – პროდუქციის მწარმოებლის ან მომსახურების გამწევის მიერ ნებართვის მაძიებლისთვის მინიჭებული წარმომადგენლობის უფლებამოსილების დამადასტურებელი დოკუმენტი;

ტოტალიზატორი/ლოტო/ბინგო

„ლატარიების, აზარტული და მომგებიანი თამაშობების მოწყობის შესახებ“ საქართველოს კანონის მე-12 მუხლის შესაბამისად, ტოტალიზატორის/ლოტოს/ბინგოს მოწყობის ნებართვის მაძიებელმა ნებართვის მისაღებად შემოსავლების სამსახურში უნდა წარადგინოს:

ა) ამონაწერი სამეწარმეო რეესტრიდან;

ბ) სანებართვო მოსაკრებლის გადახდის დამადასტურებელი დოკუმენტი;

დ) ხელშეკრულება ნებართვის მაძიებელსა და იმ პირს შორის, რომელიც ამზადებს მომგებიანი თამაშობის (გარდა სისტემურ-ელექტრონული ფორმით მოწყობილი თამაშობისა) ბილეთებს, დასამზადებელი ბილეთების რაოდენობის და ნუმერაციის მითითებით;

ე) მომგებიანი თამაშობის მოწყობის პირობები (რეგლამენტი), რომელშიც აღნიშნული უნდა იყოს:

მომგებიანი თამაშობის ჩატარების ვადა და ადგილი; მომგებიანი თამაშობის მოგების გაცემის ადგილი, თარიღი და ზღვრული ვადა. მომგებიანი თამაშობის მოგების გაცემის საერთო ვადაა გათამაშებიდან 30 კალენდარული დღე. მოგება უნდა გაიცეს მომგებიანი ბილეთის წარდგენიდან არა უგვიანეს 6 დღისა; პრეტენზიის განხილვის ვადა და წესი; ტოტალიზატორის მოწყობის შემთხვევაში − გამოსაყენებელი POS ტერმინალების რაოდენობა. უნდა მიეთითოს ავტორიზაციის სერტიფიკატის რეკვიზიტები; მომგებიანი თამაშობის ბილეთების რაოდენობა და ნუმერაცია; მომგებიანი თამაშობების ჩამონათვალი და დეტალური აღწერილობა; თუ ნებართვის მაძიებელი მომგებიანი თამაშობის მოწყობისას სხვა პირის მიერ მიწოდებულ თამაშს/თამაშებს ან/და არსებით პროდუქციას/მომსახურებას იყენებს − ამ პირზე გაცემული აზარტული ან/და მომგებიანი თამაშების მიწოდების მოქმედი ნებართვის ნომერი.

ვ) მომგებიანი თამაშობის (გარდა სისტემურ-ელექტრონული ფორმით მოწყობილი თამაშობისა) ბილეთის ნიმუში გაყალბებისგან დამცავი ნიშნების მითითებით. ბილეთის ნიმუში ხელმოწერილი უნდა იყოს ნებართვის მაძიებლის მიერ;

ნებართვის მაძიებლის სახელწოდება/სახელი და გვარი, მისამართი; ტელეფონის ნომერი; ბილეთის ფასი (გარდა ტოტალიზატორისა); ბილეთის ნომერი; გასაცემი ნებართვის ნომრის ადგილი; მომგებიანი თამაშობის ჩატარების ვადა და ადგილი; მომგებიანი თამაშობის მოგების გაცემის ზღვრული ვადა და ადგილი.

ზ) ტოტალიზატორის მოწყობის შემთხვევაში – საპრიზო ფონდის არანაკლებ 10 000 ლარის ოდენობით უზრუნველყოფის დამადასტურებელი დოკუმენტი;

თ) ავტორიზაციის სერტიფიკატი, რომელიც ადასტურებს POS ტერმინალის საქართველოს ფინანსთა მინისტრის მიერ შემოღებულ/დადგენილ სტანდარტებთან/მოთხოვნებთან შესაბამისობას;

ი) ტოტალიზატორის სისტემურ-ელექტრონული ფორმით მოწყობის შემთხვევაში სისტემურ-ელექტრონული თამაშობის წესი, რომელშიც მითითებული უნდა იყოს:

ფაქტობრივი მისამართი, საიდანაც მოხდება მომგებიანი თამაშობების მართვა და ორგანიზება; თამაშობების ჩამონათვალი და აღწერილობები; მოგების გაცემის ადგილი (ადგილები) და ზღვრული ვადა (თუ მოგება გაიცემა ამ კანონის 28-ე მუხლის მე- 2 და მე-3 პუნქტების საფუძველზე − სალაროს მოწყობისთვის განკუთვნილი უძრავი ქონების მისამართი(მისამართები); ინტერნეტით მოწყობის შემთხვევაში – ვებ-გვერდის მისამართი, მოთამაშის რეგისტრაციის წესი; დეპოზიტის/ბალანსის მართვის წესი; ვებ-გვერდზე ქართულ ენაზე მითითებული უნდა იყოს ორგანიზატორის დასახელება, იურიდიული მისამართი, ტელეფონის ნომერი, ნებართვის ნომერი, თამაშობების ჩამონათვალი, თამაშის დეტალური წესები, ინფორმაცია 25 წლამდე ასაკის საქართველოს მოქალაქის, 18 წლამდე ასაკის უცხო ქვეყნის მოქალაქის/მოქალაქეობის არმქონე პირის, დამოკიდებულ პირთა სიასა და აკრძალულ პირთა სიაში შეყვანილი პირების თამაშობაში მონაწილეობის აკრძალვის შესახებ;

ტელეფონით მოწყობის შემთხვევაში – საქართველოში რეგისტრირებული ტელეფონის ნომერი; თუ ნებართვის მაძიებელი თამაშობის მოწყობისას სხვა პირის მიერ მიწოდებულ თამაშს/თამაშებს ან/და არსებით პროდუქციას/მომსახურებას იყენებს - ამ პირზე გაცემული აზარტული ან/და მომგებიანი თამაშების მიწოდების მოქმედი ნებართვის ნომერი; მოთამაშის რეგისტრაციის/იდენტიფიკაციის/ ვერიფიკაციის ფორმა და წესი; მოთამაშის პერსონალური მონაცემების შენახვის წესი და ტექნოლოგიური აღწერილობა; ინტერნეტპლატფორმის/სისტემის დაცვის მექანიზმების ჩამონათვალი; თამაშობების მართვის სისტემის აღწერილობა; ფინანსური ტრანზაქციების აღრიცხვისა და შენახვის დეტალური აღწერილობა;

კ) გამოსაყენებელი/გამოყენებული არსებითი პროდუქციის/ მომსახურების საქართველოს ფინანსთა მინისტრის მიერ შემოღებულ/დადგენილ სტანდარტებთან/მოთხოვნებთან შესაბამისობის დამადასტურებელი ავტორიზაციის სერტიფიკატი;

ლ) თუ ნებართვის მაძიებელი თამაშობის მოწყობისას სხვა პირის მიერ მიწოდებულ თამაშს/თამაშებს ან/და არსებით პროდუქციას/მომსახურებას იყენებს - აზარტული ან/და მომგებიანი თამაშების მიმწოდებელთან გაფორმებული ხელშეკრულების ასლი;

მ) თამაშების მართვის სისტემის ტექნიკური დოკუმენტაცია;

ნ) ნებართვის მაძიებლის ხელმძღვანელობისა და წარმომადგენლობის უფლებამოსილების მქონე პირის, დამფუძნებლის/პარტნიორის (არსებობის შემთხვევაში), ბენეფიციარი მესაკუთრის ნასამართლობის შესახებ ცნობა. აღნიშნული ნასამართლობის შესახებ ცნობა გაცემული უნდა იყოს იმ ქვეყნის შესაბამისი უფლებამოსილი ორგანოს მიერ, რომლის მოქალაქეც არის ნებართვის მაძიებლის ხელმძღვანელობისა და წარმომადგენლობის უფლებამოსილების მქონე პირი, დამფუძნებელი/პარტნიორი (არსებობის შემთხვევაში), ბენეფიციარი მესაკუთრე;

ო) ნებისმიერი სხვა დოკუმენტი/ინფორმაცია, რომელსაც შემოსავლების სამსახური ნებართვის გაცემის შესახებ ნებართვის მაძიებლის განცხადების განხილვისას და შესაბამისი გადაწყვეტილების მისაღებად მოითხოვს.

აზარტული კლუბი

„ლატარიების, აზარტული და მომგებიანი თამაშობების მოწყობის შესახებ“ საქართველოს კანონის მე-19¹ მუხლის შესაბამისად, აზარტული კლუბის მოწყობის ნებართვის მაძიებელმა შემოსავლების სამსახურში უნდა წარადგინოს:

ა) ამონაწერი სამეწარმეო რეესტრიდან;

ბ)სანებართვო მოსაკრებლის გადახდის დამადასტურებელი დოკუმენტი (გარდა მოსაკრებლისგან გათავისუფლებული შემთხვევისა);

გ) მოწყობის პირობები (რეგლამენტი), რომელშიც აღნიშნული უნდა იყოს:

აზარტულ კლუბში არსებული კლუბის მაგიდების ჩამონათვალი სახელწოდების, საქარხნო ნომრის, დამზადების წლის და დამამზადებელი ქვეყნის მითითებით; კლუბის მაგიდაზე მომსახურების პროცენტის/საკომისიოს ოდენობა; აზარტული კლუბის მუშაობის წესები; აზარტულ კლუბში მოქცევის წესები; აზარტულ კლუბში მიმდინარე თამაშობების წესები; სათამაშო ჟეტონის ნიმუშები (ასეთის არსებობის შემთხვევაში). თუ ნებართვის მაძიებელი თამაშობის მოწყობისას სხვა პირის მიერ მიწოდებულ არსებით პროდუქციას/მომსახურებას იყენებს - ამ პირზე გაცემული აზარტული ან/და მომგებიანი თამაშების მიწოდების მოქმედი ნებართვის ნომერი;

დ) გამოსაყენებელი/გამოყენებული არსებითი პროდუქციის/მომსახურების საქართველოს ფინანსთა მინისტრის მიერ შემოღებულ/დადგენილ სტანდარტებთან/მოთხოვნებთან შესაბამისობის დამადასტურებელი ავტორიზაციის სერტიფიკატი;

ე) აზარტული ან/და მომგებიანი თამაშების მიმწოდებელთან გაფორმებული ხელშეკრულების ასლი. აღნიშნულ ხელშეკრულებაში ცვლილების შეტანის შემთხვევაში ნებართვის მაძიებელი/ნებართვის მფლობელი ვალდებულია ამ ცვლილების განხორციელებიდან არაუგვიანეს 2 დღისა შემოსავლების სამსახურს აცნობოს აღნიშნული ცვლილების შესახებ და წარუდგინოს ცვლილების დოკუმენტის ასლი.

სამორინე

„ლატარიების, აზარტული და მომგებიანი თამაშობების მოწყობის შესახებ“ საქართველოს კანონის მე-19 მუხლის შესაბამისად, სამორინეს მოწყობის ნებართვის მაძიებელმა შემოსავლების სამსახურში უნდა წარადგინოს:

ა) ამონაწერი სამეწარმეო რეესტრიდან;

ბ)სანებართვო მოსაკრებლის გადახდის დამადასტურებელი დოკუმენტი (გარდა მოსაკრებლისგან გათავისუფლებული ტერიტორიისა);

გ) სანებართვო მოსაკრებლის (გარდა მოსაკრებლისგან გათავისუფლებული ტერიტორიისა) გადასახდელად საჭირო ფულადი სახსრების წარმოშობის დამადასტურებელი დოკუმენტი.

დ) მოწყობის პირობები (რეგლამენტი), რომელშიც მითითებული უნდა იყოს:

სამორინის მაგიდების ან/და კლუბის მაგიდის/კლუბის მაგიდების ჩამონათვალი (უნდა მიეთითოს თითოეული მაგიდის სახელწოდება, საქარხნო ნომერი, დამზადების წელი, დამამზადებელი ქვეყანა და მწარმოებელი); თითოეულ სამორინის მაგიდაზე მინიმალური და მაქსიმალური ფსონები; კლუბის მაგიდის/კლუბის მაგიდების არსებობის შემთხვევაში – თითოეულ კლუბის მაგიდაზე მომსახურების საკომისიოს ოდენობა; სამორინეში მიმდინარე თამაშობების სრული ჩამონათვალი და დეტალური წესები; სამორინის მუშაობის საათები და წესები; სამორინეში მოქცევის წესები; მოგების გაცემის ვადა და ადგილი; პრეტენზიის განხილვის წესი და ვადა. პრეტენზიის განხილვის ვადა არ უნდა აღემატებოდეს პრეტენზიის წარმოშობიდან 30 კალენდარულ დღეს; თუ ნებართვის მაძიებელი თამაშობის მოწყობისას სხვა პირის მიერ მიწოდებულ არსებით პროდუქციას/მომსახურებას იყენებს - ამ პირზე გაცემული აზარტული ან/და მომგებიანი თამაშების მიწოდების მოქმედი ნებართვის ნომერი;

ე) სათამაშო ჟეტონის ნიმუშები. ამ ნიმუშებზე თვალსაჩინოდ უნდა ჩანდეს ნომინალი (არსებობის შემთხვევაში), ორნამენტი და ფერი.

ვ) აზარტული თამაშობის სისტემურ-ელექტრონული ფორმით მოწყობის შემთხვევაში:

ვ.ა. სისტემურ-ელექტრონული თამაშობის წესი, რომელშიც მითითებული უნდა იყოს:

ფაქტობრივი მისამართი, საიდანაც მოხდება მომგებიანი თამაშობების მართვა და ორგანიზება; თამაშობების ჩამონათვალი და აღწერილობა; მოგების გაცემის წესი, ადგილი (ადგილები) და ზღვრული ვადა (თუ მოგება გაიცემა „ლატარიების, აზარტული და მომგებიანი თამაშობების მოწყობის შესახებ“ საქართველოს კანონის 28-ე მუხლის მე-2 და მე-3 პუნქტების საფუძველზე − სალაროს მოწყობისათვის განკუთვნილი უძრავი ქონების მისამართი (მისამართები)); პრეტენზიის განხილვის წესი და ვადა;

ინტერნეტით მოწყობის შემთხვევაში – ვებგვერდის მისამართი, მოთამაშის რეგისტრაციის წესი; დეპოზიტის/ბალანსის მართვის წესი; ვებგვერდზე ქართულ ენაზე მითითებული უნდა იყოს ორგანიზატორის დასახელება, იურიდიული მისამართი, ტელეფონის ნომერი, ნებართვის ნომერი, თამაშობების ჩამონათვალი, თამაშობების დეტალური წესები, ინფორმაცია 25 წლამდე ასაკის საქართველოს მოქალაქის, 18 წლამდე ასაკის უცხო ქვეყნის მოქალაქის/მოქალაქეობის არმქონე პირის, დამოკიდებულ პირთა სიასა და აკრძალულ პირთა სიაში შეყვანილი პირების თამაშობაში მონაწილეობის აკრძალვის შესახებ;

ტელეფონით მოწყობის შემთხვევაში – საქართველოში რეგისტრირებული ტელეფონის ნომერი;

თუ ნებართვის მაძიებელი თამაშობის მოწყობისას სხვა პირის მიერ მიწოდებულ აზარტულ ან/და მომგებიან თამაშს/თამაშებს ან/და არსებით პროდუქციას/მომსახურებას იყენებს − ამ პირზე გაცემული აზარტული ან/და მომგებიანი თამაშების მიწოდების მოქმედი ნებართვის ნომერი; მოთამაშის რეგისტრაციის/იდენტიფიკაციის/ვერიფიკაციის ფორმა და წესი; მოთამაშის პერსონალური მონაცემების შენახვის წესი და ტექნოლოგიური აღწერილობა; ინტერნეტპლატფორმის/სისტემის დაცვის მექანიზმების ჩამონათვალი; თამაშების მართვის სისტემის აღწერილობა; ფინანსური ტრანზაქციების აღრიცხვისა და შენახვის დეტალური აღწერილობა; ნებისმიერი სხვა ინფორმაცია, რომელსაც შემოსავლების სამსახური მოითხოვს;

ვ.ბ. სისტემურ-ელექტრონული ფორმით მოწყობილი თამაშობის წესში მითითებული სისტემურ-ელექტრონული ფორმით მოწყობილი თამაშის/თამაშების ტექნიკურ სტანდარტებთან შესაბამისობის დამადასტურებელი ავტორიზაციის სერტიფიკატი;

ვ.გ. გამოსაყენებელი/გამოყენებული არსებითი პროდუქციის/ მომსახურების საქართველოს ფინანსთა მინისტრის მიერ შემოღებულ/დადგენილ სტანდარტებთან/მოთხოვნებთან შესაბამისობის დამადასტურებელი ავტორიზაციის სერტიფიკატი;

ვ.დ. თამაშების მართვის სისტემის ტექნიკური დოკუმენტაცია;

ზ) თუ ნებართვის მაძიებელი თამაშობის მოწყობისას სხვა პირის მიერ მიწოდებულ აზარტულ ან/და მომგებიან თამაშს/თამაშებს ან/და არსებით პროდუქციას/მომსახურებას იყენებს - აზარტული ან/და მომგებიანი თამაშის/თამაშების ან/და არსებითი პროდუქციის/მომსახურების მიმწოდებელთან გაფორმებული ხელშეკრულების ასლი;

თ) გამოსაყენებელი/გამოყენებული არსებითი პროდუქციის/მომსახურების საქართველოს ფინანსთა მინისტრის მიერ შემოღებულ/დადგენილ სტანდარტებთან/მოთხოვნებთან შესაბამისობის დამადასტურებელი ავტორიზაციის სერტიფიკატი;

ი) ნებართვის მაძიებლის ხელმძღვანელობისა და წარმომადგენლობის უფლებამოსილების მქონე პირის, დამფუძნებლის/პარტნიორის (არსებობის შემთხვევაში), ბენეფიციარი მესაკუთრის ნასამართლობის შესახებ ცნობა. აღნიშნული ნასამართლობის შესახებ ცნობა გაცემული უნდა იყოს იმ ქვეყნის შესაბამისი უფლებამოსილი ორგანოს მიერ, რომლის მოქალაქეც არის ნებართვის მაძიებლის ხელმძღვანელობისა და წარმომადგენლობის უფლებამოსილების მქონე პირი, დამფუძნებელი/პარტნიორი (არსებობის შემთხვევაში), ბენეფიციარი მესაკუთრე;

კ) ნებისმიერი სხვა დოკუმენტი/ინფორმაცია, რომელსაც შემოსავლების სამსახური ნებართვის გაცემის შესახებ ნებართვის მაძიებლის განცხადების განხილვისას და შესაბამისი გადაწყვეტილების მისაღებად მოითხოვს.

სათამაშო აპარატების სალონი

„ლატარიების, აზარტული და მომგებიანი თამაშობების მოწყობის შესახებ“ საქართველოს კანონის მე-20 მუხლის შესაბამისად, სათამაშო აპარატების სალონის მოწყობის ნებართვის მაძიებელმა შემოსავლების სამსახურში უნდა წარადგინოს:

ა) ამონაწერი სამეწარმეო რეესტრიდან;

ბ) სანებართვო მოსაკრებლის გადახდის დამადასტურებელი დოკუმენტი;

დ) მოწყობის პირობები (რეგლამენტი), რომელშიც აღნიშნული უნდა იყოს:

აზარტული თამაშობების ჩატარების ვადა და ადგილი; სათამაშო აპარატების ჩამონათვალი სახელწოდების, მოდიფიკაციის, საქარხნო ნომრის, დამზადების წლის, დამამზადებელი ქვეყნის, მწარმოებლის, თითოეულ აპარატზე მინიმალური და მაქსიმალური ფსონებისა და მოგების მაქსიმალური ოდენობის მითითებით; სათამაშო აპარატების სალონში მიმდინარე თამაშობების ჩამონათვალი და დეტალური წესები; პრეტენზიის განხილვის წესი და ვადა; თუ ნებართვის მაძიებელი თამაშობის მოწყობისას სხვა პირის მიერ მიწოდებულ აზარტულ ან/და მომგებიან თამაშს/თამაშებს ან/და არსებით პროდუქციას/მომსახურებას იყენებს − ამ პირზე გაცემული აზარტული ან/და მომგებიანი თამაშების მიწოდების მოქმედი ნებართვის ნომერი;

ე) გამოსაყენებელი/გამოყენებული არსებითი პროდუქციის/ მომსახურების საქართველოს ფინანსთა მინისტრის მიერ შემოღებულ/დადგენილ სტანდარტებთან/მოთხოვნებთან შესაბამისობის დამადასტურებელი ავტორიზაციის სერტიფიკატი;

ვ) სათამაშო აპარატების სალონის მოწყობის პირობების (რეგლამენტის) შესაბამისად, თითოეულ სათამაშო აპარატში არსებული კონკრეტული თამაშის შინაარსის ავტორიზაციის სერტიფიკატი;

ზ) აზარტული თამაშობის სისტემურ-ელექტრონული ფორმით მოწყობის შემთხვევაში:

- სისტემურ-ელექტრონული თამაშობის წესი, რომელშიც მითითებული უნდა იყოს:

ფაქტობრივი მისამართი, საიდანაც მოხდება მომგებიანი თამაშობების მართვა და ორგანიზება; თამაშობების ჩამონათვალი და აღწერილობა; მოგების გაცემის წესი, ადგილი (ადგილები) და ზღვრული ვადა (თუ მოგება გაიცემა ამ კანონის 28-ე მუხლის მე-2 და მე-3 პუნქტების საფუძველზე − სალაროს მოწყობისათვის განკუთვნილი უძრავი ქონების მისამართი (მისამართები)); პრეტენზიის განხილვის წესი და ვადა;

ინტერნეტით მოწყობის შემთხვევაში – ვებგვერდის მისამართი, მოთამაშის რეგისტრაციის წესი; დეპოზიტის/ბალანსის მართვის წესი; საქართველოში რეგისტრირებული ტელეფონის ნომერი. ვებგვერდზე ქართულ ენაზე მითითებული უნდა იყოს ორგანიზატორის დასახელება, იურიდიული მისამართი, ტელეფონის ნომერი, ნებართვის ნომერი, თამაშობების ჩამონათვალი, თამაშის დეტალური წესები, ინფორმაცია 25 წლამდე ასაკის საქართველოს მოქალაქის, 18 წლამდე ასაკის უცხო ქვეყნის მოქალაქის/მოქალაქეობის არმქონე პირის, დამოკიდებულ პირთა სიასა და აკრძალულ პირთა სიაში შეყვანილი პირების თამაშობაში მონაწილეობის აკრძალვის შესახებ;

თუ ნებართვის მაძიებელი თამაშობის მოწყობისას სხვა პირის მიერ მიწოდებულ აზარტულ ან/და მომგებიან თამაშს/თამაშებს ან/და არსებით პროდუქციას/მომსახურებას იყენებს − ამ პირზე გაცემული აზარტული ან/და მომგებიანი თამაშების მიწოდების მოქმედი ნებართვის ნომერი; მოთამაშის რეგისტრაციის/იდენტიფიკაციის /ვერიფიკაციის ფორმა და წესი; მოთამაშის პერსონალური მონაცემების შენახვის წესი და ტექნოლოგიური აღწერილობა; ინტერნეტპლატფორმის/სისტემის დაცვის მექანიზმების ჩამონათვალი; თამაშების მართვის სისტემის აღწერილობა; ფინანსური ტრანზაქციების აღრიცხვისა და შენახვის დეტალური აღწერილობა; ნებისმიერი სხვა ინფორმაცია, რომელსაც შემოსავლების სამსახური მოითხოვს.

თ) ნებართვის მაძიებლის ხელმძღვანელობისა და წარმომადგენლობის უფლებამოსილების მქონე პირის, დამფუძნებლის/პარტნიორის (არსებობის შემთხვევაში), ბენეფიციარი მესაკუთრის ნასამართლობის შესახებ ცნობა. აღნიშნული ნასამართლობის შესახებ ცნობა გაცემული უნდა იყოს იმ ქვეყნის შესაბამისი უფლებამოსილი ორგანოს მიერ, რომლის მოქალაქეც არის ნებართვის მაძიებლის ხელმძღვანელობისა და წარმომადგენლობის უფლებამოსილების მქონე პირი, დამფუძნებელი/პარტნიორი (არსებობის შემთხვევაში), ბენეფიციარი მესაკუთრე;

ი) თუ ნებართვის მაძიებელი თამაშობის მოწყობისას სხვა პირის მიერ მიწოდებულ აზარტულ ან/და მომგებიან თამაშს/თამაშებს ან/და არსებით პროდუქციას/მომსახურებას იყენებს - თამაშის/თამაშების ან/და არსებითი პროდუქციის/მომსახურების მიმწოდებელთან გაფორმებული ხელშეკრულების ასლი;

კ) ნებისმიერი სხვა დოკუმენტი/ინფორმაცია, რომელსაც შემოსავლების სამსახური ნებართვის მაძიებლის ნებართვის გაცემის შესახებ განცხადების განხილვისას და შესაბამისი გადაწყვეტილების მისაღებად მოითხოვს.

ნებართვის მისაღებად საჭირო დოკუმენტები

ნებართვის მისაღებად საჭირო დოკუმენტების ჩამონათვალი იხილეთ ნებართვის სახეობების მიხედვით:

დაჩქარებული მომსახურება

ნებართვის მაძიებელი უფლებამოსილია, ნებართვის მისაღებად ისარგებლოს დაჩქარებული მომსახურებით. მომსახურების საფასურების ოდენობა დადგენილია საქართველოს მთავრობის მიერ, შემდეგი ოდენობებით:

3 სამუშაო დღე -2000 ლარი;

5 სამუშაო დღე - 800 ლარი;

10 სამუშაო დღე - 400 ლარი;

20 სამუშაო დღე - უფასო.

წამახალისებელი გათამაშების მოწყობის ნებართვის შემთხვევაში:

1 სამუშაო დღე - 12 000 ლარი;

5 სამუშაო დღე - 10 000 ლარი;

20 სამუშაო დღე - უფასო.

აზარტული ან/და მომგებიანი თამაშების მიწოდების ნებართვის შემთხვევაში:

5 სამუშაო დღე - 10 000 ლარი;

10 სამუშაო დღე - 5 000 ლარი;

20 სამუშაო დღე - უფასო.

ნებართვის მისაღებად საჭირო პროცედურა

ნებართვას გასცემს შემოსავლების სამსახური. ნებართვის მაძიებელმა, ნებართვის მისაღებად საჭირო დოკუმენტები ელექტრონულად, სკანირებული ფორმით უნდა წარადგინოს შემოსავლების სამსახურის ვებგვერდის RS.GE-ს მეშვეობით.

სათამაშო ბიზნესის კვარტალური მოსაკრებლის ოდენობა

სათამაშო ბიზნესის მოსაკრებლის ოდენობა დადგენილია საქართველოს კანონით და შეადგენს კვარტალში:

თითოეულ სათამაშო აპარატზე - 2 000 ლარიდან 4 000 ლარის ჩათვლით;

თითოეულ სამორინეს მაგიდაზე - 20 000 ლარიდან 40 000 ლარის ჩათვლით;

თითოეულ კლუბის მაგიდაზე - 4 000 ლარიდან 14 000 ლარის ჩათვლით;

სისტემურ-ელექტრონული ფორმით მოწყობილ თამაშობაზე (გარდა წამახალისებელი გათამაშებისა) - 250 000 ლარიდან 300 000 ლარის ჩათვლით;

აზარტული ან/და მომგებიანი თამაშობის მოწყობის ნებართვით ორგანიზებული ობიექტის გარეთ განთავსებული, სისტემურ-ელექტრონული ფორმით მოწყობილი აზარტული ან/და მომგებიანი თამაშობის თითოეულ სალაროზე − 1 500 ლარიდან 20 000 ლარის ჩათვლით;

თითოეულ წამახალისებელ გათამაშებაზე - საპრიზო ფონდის 10%;

მოსაკრებლის განაკვეთს კანონით დადგენილი ზღვარის ფარგლებში ადგენს ადგილობრივი თვითმმართველობა.

აზარტული ან/და მომგებიანი თამაშების მიწოდება

სანებართვო მოსაკრებლის ოდენობა შეადგენს წელიწადში 100 000 ლარი.

ლოტო/ბინგო/წამახალისებელი გათამაშება

სანებართვო მოსაკრებლის ოდენობა დადგენილია საქართველოს კანონით და შეადგენს წელიწადში 15 000 ლარს.

ტოტალიზატორი

სანებართვო მოსაკრებლის ოდენობა დადგენილია საქართველოს კანონით და შეადგენს წელიწადში 30 000 ლარიდან 300 000 ლარის ჩათვლით.

ქალაქ თბილისის ტერიტორიაზე – 200 000 ლარი;

თვითმმართველი ქალაქი ბათუმის ტერიტორიაზე – 80 000 ლარი;

თვითმმართველი ქალაქი ქუთაისის ტერიტორიაზე – 80 000 ლარი;

თვითმმართველი ქალაქი რუსთავის ტერიტორიაზე – 80 000 ლარი;

სხვა მუნიციპალიტეტების ტერიტორიებზე – 40 000 ლარი.

აზარტული კლუბი

აზარტული კლუბის მოწყობის ნებართვა გაიცემა მხოლოდ ქალაქ თბილისში სამორინეს ან/და სათამაშო აპარატების სალონის მოწყობის ნებართვის მფლობელ პირზე. სანებართვო მოსაკრებლის ოდენობა დადგენილია საქართველოს კანონით და შეადგენს წელიწადში 10 000 ლარიდან 50 000 ლარის ჩათვლით.

ქალაქ თბილისის ტერიტორიაზე – 50 000 ლარი;

თვითმმართველ ქალაქ ბათუმის ტერიტორიაზე – 30 000 ლარი;

თვითმმართველ ქალაქ ქუთაისის ტერიტორიაზე – 30 000 ლარი;

თვითმმართველ ქალაქ რუსთავის ტერიტორიაზე – 30 000 ლარი;

სხვა მუნიციპალიტეტების ტერიტორიებზე – 10 000 ლარი.

ქალაქ თბილისში სამორინეს მოწყობის ნებართვის მფლობელი, საქართველოს ნებისმიერ ტერიტორიაზე თავისუფლდება არა უმეტეს 3 აზარტული კლუბის მოწყობის ნებართვის მისაღებად დაწესებული სანებართვო მოსაკრებლის გადახდის ვალდებულებისაგან.

ქალაქ თბილისში სათამაშო აპარატების სალონის მოწყობის ნებართვის მფლობელი, საქართველოს ნებისმიერ ტერიტორიაზე თავისუფლდება 1 აზარტული კლუბის მოწყობის ნებართვის მისაღებად დაწესებული სანებართვო მოსაკრებლის გადახდის ვალდებულებისაგან.

სამორინე

საქართველოს მთელ ტერიტორიაზე (გარდა ქალაქ ბათუმისა, დუშეთის მუნიციპალიტეტის ბაზალეთის ტბის მიმდებარე ტერიტორიისა, გუდაურის სარეკრეაციო ზონის ტერიტორიისა, დაბა ბაკურიანის ტერიტორიისა, ასევე ქობულეთის, ბორჯომის, წყალტუბოს, ყაზბეგის, სიღნაღის, ქ.ფოთის მუნიციპალიტეტების ტერიტორიისა, ლანჩხუთის მუნიციპალიტეტის დაბა გრიგოლეთის ტერიტორიისა, თელავის მუნიციპალიტეტის სოფელ წინანდლის ტერიტორიისა, გურჯაანის მუნიციპალიტეტის სოფელ კაჭრეთის ტერიტორიისა, ახალციხის, ხელვაჩაურის მუნიციპალიტეტების ტერიტორიის და ზუგდიდის მუნიციპალიტეტის სოფელი ანაკლიის და სოფელი განმუხურის ტერიტორიებისა) – წელიწადში 5 000 000 ლარი.

ქალაქ ბათუმში, დუშეთის მუნიციპალიტეტის ბაზალეთის ტბის მიმდებარე ტერიტორიაზე, ქობულეთისა და ბორჯომის მუნიციპალიტეტების ტერიტორიაზე, ქალაქ ფოთის მინიციპალიტეტის ტერიტორიაზე, გურჯაანის მუნიციპალიტეტის სოფელ კაჭრეთის და ლანჩხუთის მუნიციპალიტეტის დაბა გრიგოლეთის ტერიტორიებზე – წელიწადში 250 000 ლარი.

ახალციხის მუნიციპალიტეტის ტერიტორიაზე - წელიწადში 100 000 ლარი.

სანებართვო მოსაკრებლის გადახდისაგან თავისუფლდება სამორინეს მოწყობა ყაზბეგის, წყალტუბოს,სიღნაღის მუნიციპალიტეტების და თელავის მუნიციპალიტეტის სოფელ წინანდლის ტერიტორიაზე, ასევე, დაბა ბაკურიანის ტერიტორიაზე და გუდაურის სარეკრეაციო ზონის ტერიტორიაზე.

სანებართვო მოსაკრებლის გადახდისაგან თავისუფლდება ქალაქ ბათუმში, აგრეთვე ქობულეთისა და ხელვაჩაურის მუნიციპალიტეტებში ახლად აშენებული არანაკლებ ას ნომრიანი სასტუმროს ტერიტორიაზე სამორინეს მოწყობა, ასევე ზუგდიდის მუნიციპალიტეტის სოფელ ანაკლიასა და სოფელ განმუხურში, ლანჩხუთის მუნიციპალიტეტის დაბა გრიგოლეთში და ქალაქ ფოთის მუნიციპალიტეტში ახლად აშენებული არანაკლებ ოთხმოც ნომრიანი სასტუმროს ტერიტორიაზე სამორინეს მოწყობა. ახლად აშენებული სასტუმროს ტერიტორიაზე სამორინეს მოწყობის ნებართვის გაცემიდან 10 წლის განმავლობაში.

სათამაშო აპარატების სალონი

სანებართვო მოსაკრებლის ოდენობა დადგენილია საქართველოს კანონით და შეადგენს წელიწადში 50 000 ლარიდან 1 000 000 ლარის ჩათვლით.

ქალაქ თბილისის ტერიტორიაზე – 1 000 000 ლარი; ხოლო, ქალაქ თბილისში სამორინეს მოწყობის ნებართვის მფლობელი პირის მიერ სამორინეში სათამაშო აპარატების სალონის მოწყობისათვის – 100 000 ლარი;

თვითმმართველი ქალაქი ბათუმის ტერიტორიაზე – 200 000 ლარი;

თვითმმართველი ქალაქი ქუთაისის ტერიტორიაზე – 200 000 ლარი;

თვითმმართველი ქალაქი რუსთავის ტერიტორიაზე – 200 000 ლარი;

თვითმმართველი ქალაქი ფოთის ტერიტორიაზე – 100 000 ლარი;

თელავის მუნიციპალიტეტის ტერიტორიაზე – 100 000 ლარი;

გორის მუნიციპალიტეტის ტერიტორიაზე – 100 000 ლარი;

მარნეულის მუნიციპალიტეტის ტერიტორიაზე – 100 000 ლარი;

ზუგდიდის მუნიციპალიტეტის ტერიტორიაზე – 100 000 ლარი;

ოზურგეთის მუნიციპალიტეტის ტერიტორიაზე – 100 000 ლარი;

ახალციხის მუნიციპალიტეტის ტერიტორიაზე – 100 000 ლარი;

ხაშურის მუნიციპალიტეტის ტერიტორიაზე – 100 000 ლარი;

ქობულეთის მუნიციპალიტეტის ტერიტორიაზე – 100 000 ლარი;

ხელვაჩაურის მუნიციპალიტეტის ტერიტორიაზე – 100 000 ლარი;

სენაკის მუნიციპალიტეტის ტერიტორიაზე – 100 000 ლარი;

სხვა მუნიციპალიტეტების ტერიტორიებზე – 50 000 ლარი.

სანებართვო მოსაკრებელი

სანებართვო მოსაკრებლის წლიური განაკვეთები ნებართვის სახეობისა და ტერიტორიების მიხედვით

სისტემურ-ელექტრონული ფორმით თამაშობის ორგანიზება

სისტემურ-ელექტრონული ფორმით თამაშობის ორგანიზებისათვის ცალკე ნებართვა არ გაიცემა. იმისათვის, რომ მოეწყოს სისტემურ-ელექტრონული ფორმის თამაშობა, საჭიროა რეალური ობიექტის არსებობა.

სისტემურ-ელექტრონული ფორმით თამაშობის ორგანიზება დასაშვებია შემდეგი ნებართვების საფუძველზე:

სათამაშო აპარატების სალონი;

სამორინე;

ტოტალიზატორი;

წამახალისებელი გათამაშება.

სათამაშო ბიზნესის ნებართვის სახეები

შემოსავლების სამსახური სათამაშო ბიზნესის სფეროში გასცემს შემდეგი სახის ნებართვებს:

სათამაშო აპარატების სალონის მოწყობის;

სამორინეს მოწყობის;

აზარტული კლუბის მოწყობის;

ტოტალიზატორის მოწყობის;

ლოტოს მოწყობის;

ბინგოს მოწყობის;

წამახალისებელი გათამაშების მოწყობის;

აზარტული ან/და მომგებიანი თამაშების მიწოდება.

უკან - საგადასახადო ვალდებულება